AL MASHOORAH – 08 : Purification of the Soul, the Stepping Stone to Success

AL MASHOORAH       Issue no.8 

Purification of the Soul ‘Thazkiyathun Nafs’ is the stepping stone to success

“Indeed who succeeds, who purifies his own self, and indeed he fails who corrupts his own self” (Qur’an 91:9-10).

The National Shoorah Council (NSC) as a collective voice of the Muslim community consisting of 18 Muslim organizations of national reach released a press statement condemning the European Union for seeking review of the Muslim Marriage and Divorce Act (MMDA) as a pre-condition to grant the GSP Plus status to Sri Lanka. First and foremost the NSC vehemently condemns the EU precondition which unnecessarily draws the Muslim community of Sri Lanka into its machination of geopolitical strangulation of Sri Lanka in the guise of good governance, transparency and justice. The GSP Plus was revoked by the EU during the Mahinda Rajapakshe regime under pressure from LTTE Front organizations and Human Rights violations by the Rajapakshe government. It had nothing to do with the MMDA. The EU making review of MMDA as one of the Pre-Conditions is unwarrantedly interfering in the internal affairs of our country by creating a platform to nurture internal conflict between Muslims and others in the country to make Muslims seem a barrier to economic upliftment of the nation through enjoying GSP+. This is a dangerous trend that our national politicians must be cognizant of. Review of the MMDA is an internal matter of the Muslim community concern to keep it abreast of time within the constitutional provisions of Muslim Personal Law. This has nothing to do with the national economy, labour and industrial productivity. Sri Lanka is not a country of child labour.

The NSC having condemned the EU initiative and seeking the Yahapalanaya Government to treat MMDA as an internal Sri Lankan and Muslim concern, the NSC exhorts the public, its member organizations and other mainstream Muslim and Non-Muslim organizations about the implications of EU interference in the local affairs ingeniously pitting one community against the other in surreptitious means. This initiative potentially can unwarrantedly pit the Muslim community in collision course with the government and stifle with the national development initiatives of the government whilst driving certain segment to extremism.

The NSC envisions a peaceful Sri Lanka and is prepared to go to any length with all national stakeholders and with any governments in power irrespective of party politics to rebuild our country. External interference and divisive political brinkmanship is a scourge that makes fringe elements in society to turn to extremism. This is a danger that every citizen must be cognizant of. This is evident in the way how Sri Lanka Thowheed Jamaath (SLTJ) responded by protesting against the review of MMDA. While the mainstream Muslim organization responded to this with maturity and responsibility, the SLTJ being not of the mainstream and young blooded responded in unethical and provocative manner and strayed beyond the issue of MMDA and strayed to hate and racism.

The NSC deplores the way that SLTJ as a Muslim organization conducted their protest which is unislamic and unethical. Whilst condemning how they did it, the NSC appreciate their patriotism and community consciousness against EU call for review of the MMDA. The SLTJ and similar youth organizations should note that expediency and lack of maturity may drive them to extremism and thereby damages society more than their intent to restoring it.

As Muslims, it is our bounden duty to see that what we do is correct and within the Islamic ethical and moral codes for such actions to be accepted as good deeds by Allah SWT. We all have a duty to society and to discharge that as Muslims we are responsible to prepare oneself through ‘Thazkiyathun Nafs’ Purification of Soul so that we become qualified to be the best Muslim to respond to the call of humanity.

Advertisements

நாட்டின் தற்போதைய சூழ்நிலையை கருத்திற் கொண்டு நிகழ்த்த வேண்டிய குத்பாக்களுக்கான வழிகாட்டல்கள்

நாட்டில் தற்போது நிலவும் சூழ்நிலையைக் கவனத்திற் கொண்டு  வெள்ளிக்கிழமை (18.11.2016) குத்பாப் பிரசங்கத்தை கதீப்மார்கள் பின்வரும் அம்சங்களை உள்ளடக்கிய வகையில் அமைத்துக் கொள்வது நல்லது என தேசிய ஷூரா சபை கருதுகிறது:

  1. முஸ்லிம்கள் சிறுபான்மையினராகவோ பெரும்பான்மையினராகவோ வாழ்ந்த போதிலும் பிற சமுதாயத்தவர்களது மத, கலாசார, தனித்துவங்களை கொச்சைபடுத்தாமல் அவர்களுடன் சகிப்புத்தன்மையோடு , சமாதான சகவாழ்வைப் பேணி வாழும்படியே இஸ்லாம் கட்டளையிடுகிறது.

அ.  பிறர் வணங்கும் தெய்வங்களை ஏசலாகாது (06:108)

ஆ. மார்கத்தை பலாத்காரமாக திணிக்கலாகாது (2:256)

இ.முஸ்லிம்களுக்கு மத்தியில் பிறசமயத்தவர்கள் வாழ்வதற்கு இஸ்லாம் அங்கீகாரமளித்துள்ளதுடன் அவர்களுக்கு தேவையான பாதுகாப்புகளையும் அது வழங்கியுள்ளது.மதீனாவில் யூத,கிறிஸ்தவர்கள் மதீனா சாசனத்தின் பாதுகாப்பின் கீழ் ‘திம்மீக்கள்’ என்ற கௌரவமான நாமத்துடன் வாழ்ந்தார்கள்.

  1. பிற சமயத்தவர்கள் அல்லாஹ்வையோ அவன் தூதரையோ இஸ்லாத்தையோ முஸ்லிம்களையோ விமர்சிக்கும் போது அவற்றை வன்முறையாலும் கடும் சொற்களினாலும் எதிர்கொள்ளாமல் மிகவும் அழகிய வழிமுறைகள் மூலமே எதிர்கொள்ளவேண்டும். (23:96), (41:34) மூஸா (அலை) அவர்களையும் ஹாரூன் (அலை) அவர்களையும் அல்லாஹ் பிர்அவுனிடம் அனுப்பிய போது மிருதுவான பேச்சு மூலம் தகவல் பரிமாறும்படியே கட்டளையிட்டான். (20:44)
  1. விதண்டாவாதம், குதர்க்கம், மனதைப் புண்படுத்தும் வார்த்தைகள் என்பவற்றைத் தவிர்த்து ,பண்பாடன முறைகளிலேயே உரிமைப் போராட்டங்களும் கருத்துப் பரிமாறல்களும் இடம்பெற வேண்டும். அப்படியல்லாத அணுகுமுறைகள் முற்றாகத் தவிர்க்கப்பட வேண்டும்.
  1. குறிப்பாக Social Media – சமூக வலைத்தளங்களில் பிறசமயத்தவர்களை சீண்டும் வகையில் அபிப்பிராயங்களை (Comments) இடுவதையும் ஆக்கங்களை எழுதுவதையும் முற்றாகத் தவிர்க்க வேண்டும்.இனங்களுக்கிடையில் நிலவும் முரண்பாடுகளை நீக்கி சகவாழ்வைத் தூண்டும் குறிப்புக்கள் மற்றும் ஆக்கங்களை மட்டுமே பிறருடன் பகிர்ந்து கொள்ள வேண்டும். அனாவசியமான , பீதியை உண்டுபண்ணும் தகவல்கள் சமுதாயத்தில் அவநம்பிகையைத் தோற்றுவிக்கும்.
  1. சமூகவலைத்தளங்களில் வரும் எந்தவொரு தகவலும் முதலில் ஊர்ஜிதமானதா என்பதை உறுதியாகத் தெரிந்து கொள்ள வேண்டும். காரணம் அரசியல் நோக்கம் கொண்டவர்கள், நாட்டை ஸ்தீரமற்ற நிலைக்கு மாற்றும் எண்ணமுள்ளவர்கள், நாட்டை இனமுறுவல் நிலைக்கு தள்ளி குளிர்காய விரும்புபவர்கள் அந்த தகவல்களை உருவாக்கியிருக்கலாம். ஒரு முஸ்லிம் முதலில் தகவல்களை ஊர்ஜிதம் செய்யாது பரப்பமாட்டான். அப்படி பரப்புவது பாவமாகும் , பெரும்குற்றமாகும்.(49;06) அவனது பொறுப்பற்ற நடத்தைக்காக அவன் மறுமையில் விசாரிக்கப்படுவான். (17:36), அச்சமூட்டும் தகவலொன்று கிடைத்தால் அதனைப் பரப்ப முன்னர் அதனுடன் சம்பந்தப்பட்ட தரப்புக்களுடன் நேரடியாக சம்பத்தப்பட்டு அதன் நம்பகத்தன்மையை கேட்டறிந்து கொள்ள வேண்டும் என்று அல்லாஹ் கூறுகிறான்.(4:83)
  1. தகவல் ஊர்ஜிதமானதாக இருந்தாலும் அதனைப் பரப்புவதால் நன்மை அதிகம் விளையுமா, தீமை அதிகம் விளையுமா என்பதை தீவிரமாக சிந்தித்து முடிவெடுக்க வேண்டும். சமூகங்களை இணைப்பதற்கும் , மீள்நல்லிணக்கத்தை ஏற்படுத்துவதற்குமே ஊடகங்கள் பயன்படவேண்டும். நபி(ஸல்) அவர்கள் ஆளுக்கேற்ற, சந்தர்பங்களுக்கேற்ற முடிவுகளையே எடுத்திருக்கிறார்கள்.
  1. இலங்கை வாழ் முஸ்லிம்கள் சிறுபான்மையினராக, சிதறுண்ட கிராமங்களில், பிறசமுகங்களில் அதிகமாக தங்கி வாழ்வதால் பிறசமுகத்தவர்களைப் பகைத்துக்கொண்டு, அவர்களிலிருந்து விலகி , தூரமாக வாழக்கூடாது. அவ்வாறு வாழ்வது பெரும் பாதிப்புகளை உண்டு பண்ணும் , இன்னும் எம்மைப் பலவீனப்படுத்தும். எனவே , உறவுகளைப் பலப்படுத்தும் முயற்சிகள் ஊக்குவிக்கப்பட்டு, பலவீனப்படுத்தும் முயற்சிகள் முற்றாகத் தவிர்க்கப்பட வேண்டும். இலங்கையில் எந்தவொரு இனமும் மற்றோர் இனத்தின் பால் தேவைப்பட்ட நிலையில் தான் வாழ்ந்துவருவதை ஒருபோதும் நாம் மறக்கலாகாது.
  1. உரிமைகள் பறிக்கப்படும் போதும் அத்துமீறல்கள் இடம் பெறும் போதும் சமாதான , ஜனநாயக ரீதியான , அறிவுபூர்வமான அணுகு முறைகளையே நாம் கையாள வேண்டும். ஏதும் அசம்பாவிதங்கள் இடம்பெற்றால் உடனுக்குடன் ஊர், பிராந்திய தலைவர்களது ஆலோசனைகளைப் பெற்று, பொலிஸில் முறைப்பாடுகளைச் செய்யலாம். மேலும், பிரதேச அரசியல்வாதிகளோடு தொடர்புகளை ஏற்படுத்தி நடவடிக்கைகளை எடுக்கலாம். மாறாக, ஏட்டிக்கு போட்டியாக கலவரங்களிலோ வன்முறைகளிலோ ஈடுபடுவது முற்றாகத் தவிர்க்கப்பட வேண்டும். ஒவ்வொரு ஊரிலும் உள்ள பள்ளி நிர்வாக சபைகள், இயக்கங்கள், அமைப்புக்களை சேர்ந்தவர்கள் அவ்வப் பிரதேசங்களில் உள்ள பிறமதத் தலைவர்களோடு சுமூகமான உறவுகளைப் பேணி பிரச்சினைகள் வரும் போது அவர்களுடன் தொடர்பு கொண்டு மத்தியஸ்த முயற்சிகளை ஏற்படுத்தலாம். ஹுதைபியாவில் போல விட்டுகொடுப்புகளும் சில போது தேவைப்படலாம்.
  1. ஒரு முஸ்லிம் எந்த சந்தர்ப்பத்திலும் நிதானம் இழக்கலாகாது, உணர்ச்சிகளுக்கு அடிமைபடலாகாது. அழகிய பண்பாடுகள், குணநலன்களை அவன் அணிகலன்களாகப் பெற்றிருப்பான். மனிதர்களது மனங்களில் அவன் வாழ்வான். நபி(ஸல்) அவர்கள் ஜாஹிலிய்யாக் காலத்தில் நல்ல பண்பாடுகளுடன் வாழ்ந்ததாக கதீஜா நாயகி (ரழி) சான்று பகர்ந்திருக்கிறார்கள். நபி(ஸல்) அவர்கள் பணத்தை, அதிகாரத்தை , ஆயுதத்தைக் காட்டி அல்லாமல் பண்பாடுகளை மூலதனமாகக் கொண்டே பிரசாரம் செய்தார்கள்.
  1. சகோதர இனங்களைச் சேர்ந்த முஸ்லிம் அல்லாத சகோதரர்களுக்கு எவ்வகையிலும் இடையூறுகளை ஏற்படுத்தாமல் எம்மால் முடியுமான சகல விதமான மனிதாபிமான உதவிகளையும் அவர்களுக்குச் செய்து அவர்களுடனான உறவுகளை நாம் பலப்படுத்திக் கொள்ள வேண்டும்.
  1. வதந்திகளைப் பரப்புவதில் இருந்தும் கூட்டம் கூட்டமாக பாதை ஒரங்களில் நின்று கதைத்துக் கொண்டிருப்பதில் இருந்தும் தவிர்ந்து கொள்வோமாக!
  1. முஸ்லிம் சமூகத்தைச் சேர்ந்த வியாபாரிகள் கொடுக்கல் வாங்கல்களின் போது நம்பகத் தன்மையோடும் நீதி நியாயமாகவும் மிகுந்த தாராளத் தன்மையோடும் நடப்பதோடு , அரச மற்றும் தனியார் துறைகளில் கடமைபுரியும் முஸ்லிம் ஊழியர்கள் தமது கடமைகளுக்கு உரிய நேரத்தில் செல்வதோடு ஒப்படைக்கப்பட்ட பொறுப்புக்களை திறம்படவும் அல்லாஹ்வுக்குப் பயந்தும் நிறைவேற்ற வேண்டும். காரியாலயங்களில் பணி புரியும் முஸ்லிம் அல்லாத சகோதரர்களுடன் சிநேகபூர்வமான உறவுகளைக் கட்டியெழுப்பி அவர்கள் இஸ்லாம் பற்றியும் முஸ்லிம்களது நட்த்தைகள் பற்றியும் எழுப்பும் வினாக்களுக்கு அறிவு பூர்வமான உரிய பதில்களை வழங்கும் வகையில் தம்மை தயார்படுத்திக் கொள்ளலாம்.பதிலளிக்கத் தெரியாத போது பதிலை பின்னர் கூறுவதாகத் தெரிவிக்கலாம் . முஸ்லிம் சமூகத்தில் இருக்கின்ற அறிவாளிகளை அணுகி பதில்களை தயார் செய்து கொள்ளல்லாம் குதர்க்கம் நல்ல விளைவுகளைத் தரப்போவதில்லை.
  1. முஸ்லிம் சமூகத்துக்கு மத்தியிலுள்ள சற்று தீவிரமாக சிந்திப்போரை நாம் ஒதுக்கிவிடாமல் அவர்களை நெறிப்படுத்தி சமூகத்திற்குள் பிளவுகள் ஏற்படாதிருக்க முயற்சிகளை மேற்கொள்ள வேண்டும். குத்பாக்களிலும் சமூக வலைத்தலங்களிலும் எவரையும் தாறுமாறாக விமர்சிப்பதைத் தவிர்ப்போமாக!
  1. ஆனால், சமாதான சகவாழ்வு என்ற பெயரில் ஈமானுக்கு விரோதமாக செயல்படுவதிலிருந்தும் தெளிவான ஹராம்களில் சம்பந்தப்படுவதிலிருந்தும் நாம் முற்றிலும் தவிர்ந்திருக்க வேண்டும். “கரைந்து போகாமல் கலந்து வாழ்வதற்கும்”, “வேற்றுமையில் ஒற்றுமை காண்பதற்கும்” முன்னுதாரணமாக செயல்படுவது அவசியமாகும்.
  1. தேசத்தை கட்டியெழுப்பவும் நீதி, நியாயம் மற்றும் ஒழுக்க விழுமியங்களை ஸ்தாபிக்கவும் பரஸ்பரம் ஏனைய இனங்களோடு கைகோர்த்துக் கொண்டு நாம் இலங்கையரான முஸ்லிம்கள் என்பதை நடைமுறையில் காட்டுவோமாக.
  1. எப்போதும் ஒரு முஸ்லிம் ஆழமான ஈமானோடும் இபாதத்களால் கிடைக்கும் உளப் பலத்தோடும் வாழ வேண்டும். துன்பங்களின் பொழுதும் இக்கட்டான சூழ்நிலைகள் ஏற்படும் போதும் அல்லாஹ்வை மட்டுமே அழைத்துப் பிரார்த்திக்க வேண்டும். அவன் நாடியது அன்றி வேறு எதுவும் நடக்காது என உறுதியாக நாம் நம்புவோமாக.மேற்படி அம்சங்களை உள்ளடக்கிய வகையில் ஜும்ஆ குத்பாக்களை மட்டுமல்லாமல் அவ்வப்போது இடம் பெரும் வேறு உரைகளையும் ஆக்கங்களையும் அமைத்துக்கொள்ளும்படி தேசிய ஷூரா சபை அனைவரையும் பணிவன்புடன் கேட்டுக்கொள்கிறது.நாட்டில் சாந்தியும் சமாதானமும் நிலவ அல்லாஹ் அருள்பாளிப்பானாக!

பொதுச்  செயலாளர்
N.M. M.மிப்லி
தேசிய ஷூரா சபை

இனவாத மற்றும் தீவிரவாத கெடுபிடிகளுக்கு எதிராக போராடுதல்

அல் மஷூரா – வெளியீடு: 07
“காலத்தின் மீது சத்தியமாக. நிச்சயமாக மனிதன் நஷ்டத்தில் இருக்கின்றான். ஆயினும், எவர்கள் ஈமான் கொண்டு ஸாலிஹான (நல்ல) அமல்கள் செய்து, சத்தியத்தைக் கொண்டு ஒருவருக்கொருவர் உபதேசம் செய்து, மேலும் பொறுமையைக் கொண்டும் ஒருவருக்கொருவர் உபதேசிக்கிறார்களோ அவர்களைத் தவிர” (சூரா அல் அஸ்ர்)

அல்லாஹ் மீது நம்பிக்கை வைக்காமல், நற்கிரியைகளை செய்யாமல், சத்தியம் மற்றும் பொறுமையை பற்றி ஒருவருக்கு ஒருவர் உபதேசம் செய்து கொள்ளாமல் இருக்கும் பட்சத்தில் மனித இனத்திற்கு ஏற்படக் கூடிய அழிவையே மேற்படி திருக்குர்ஆன் வசனங்கள் எச்சரகிக்கின்றன.

உள்ளூர் அடிப்படையிலும் உலகாலாவிய அடிப்படையிலும் முஸ்லிம் சமூகம் பல இன்னல்களை அனுபவிக்கும் ஒரு காலகட்டத்தில் இருந்து கொண்டிருக்கின்றது. முஸ்லிம்கள் மீதும் இஸ்லாத்தின் மீதும் சேறு பூசப்படுவதோடு, இஸ்லாமிய கோட்பாடுகளுக்கு தவறான, மோசமான வரைவிளக்கணங்கள் அள்ளி வீசப்படுக்கின்றன. அது மட்டுமன்றி, உலகில் இன்று ஏற்பட்டுள்ள அனைத்து துன்பங்களினாலும் பாதிக்கப்படுபவர்கள் முஸ்லிம்களாக இருக்க, அவற்றிற்கு காரணகர்த்தாக்களே முஸ்லிம்கள் என அபாண்டமாக பழி சுமத்தப்படுகின்றது.

அல்லாஹ் மீது நம்பிக்கை வைக்காமை, நற்கிரியைகளை செய்யாமை, சத்தியம் மற்றும் பொறுமையை பற்றி ஒருவருக்கு ஒருவர் உபதேசம் செய்து கொள்ளாமை தான் தற்காலத்தில் முஸ்லிம்களக்கு ஏற்பட்டுள்ள சோதனைகளுக்கான மூல காரணங்கள் என்பதில் சிறிதளவும் சந்தேகம் இல்லை. இறையச்சத்துடன் தமது கடமைகளை செய்த வண்ணம் உண்மையான முஸ்லிம்களாக உலகில் வாழ்பவர்களுக்கு இம்மை மறுமை இரண்டிலும் இழிவுகள் மற்றும் நஷ்டங்கள் தவிர்க்கப்படுவதற்கான நிபந்தனைகள் மேலே உள்ள திருமறை அத்தியாயத்தில் தெளிவாக குறிப்பிடப்பட்டுள்ளன. இந்த வசனங்களின் படி, மனோ இச்சைக்கு அடிபனிந்து வாழந்த வண்ணம் தம்மை உண்மையான விசுவாசிகள் என கூறிக்கொள்வதில் எவ்விதப் பயனும் கிடையாது என்பது தெளிவாகின்றது. தமது செயல்களுக்கு அவர்கள் பொறுப்புதாரிகள் ஆவதுடன், ஒரு நாள் அச்செயல்களுக்கான விளக்கங்களை அவர்கள் அல்லாஹ்விடம் சமர்பிக்க வேண்டியும் வரும்.

அல்லாஹ்வின் பூரண பாதுகாப்பானது அவனுக்காக அர்ப்பணமாகும், நம்பிக்கை உறுதியுடன் அசையாமல் இருக்கும் உண்மை விசுவாசிகளுக்கு நிச்சயம் கிடைக்கின்றது. எனவே இனவாதம் மேலோங்குவதை பற்றியோ இஸ்லாம் விரோத கருத்துக்கள் பரப்பப்படுவதை பற்றியோ தூய்மையான விசுவாசிகள் அதிகம் கவலைக் கொள்ளத் தேவையில்லை. அவர்களுக்கான இறைவனின் காவல் கிடைப்பதற்கான நிபந்தனை அவர்கள் நல்லொழுக்கமிக்க வாழ்க்கையை கடைபிடிப்பதே.

இருப்பினும், ஒரு தேசத்தலில் இனவாதம் பெருகுவது என்பது முஸ்லிம்களுக்கு மட்டுமன்றி அந்நாட்டின் சகல மக்களுக்கும் பாதிப்பை ஏற்படுத்தக் கூடிய ஒரு துர்பாக்கிய நிலையாகும். மேலும், அது சர்வதேச ரீதியில் அந்நாட்டிட்கு அவப்பெயரை ஏற்படுத்தி இறுதியில் அதன் ஒட்டுமொத்த பொருளாதாரத்திற்கும் பாதிப்பை ஏற்படுத்தி விடும். இந்த அடிப்படையில் பார்க்கும் போது, மதத்தின் அல்லது இனத்தின் பெயரால் பிரிவினiயையும் மிதவாதத்தையும் தூண்டுபவர்கள் தேசதுரோகிகளாவதுடன், அவர்கள் தமது மோசமான செயல் மூலம் தேசத்தை அதல பாதாலத்தில் வீழ்த்தவே எத்தனிக்கின்றனர்.

இதே வேளை, மேலோங்கி வரும் பௌத்த தீவிரவாதம் மற்றும் முஸ்லிம் விரோத முன்னெடுப்புக்களுக்கும், நாட்டில் வாழும் பெரும்பான்மை சிங்கள பௌத்தர்களுக்கோ சங்கைக்குரிய பௌத்த மதத்தலைவர்களுக்கோ எவ்வித தொடர்பும் இல்லை என்பது தெளிவான விடயமாகும். பெரும்பான்மை சிங்கள மக்கள் வவேகமாக சிந்திக்கக் கூடிய, கல்வி அறிவுள்ள, நாகரீகமான, தேசப்பற்றுள்ள ஒரு பிரிவினரே ஆவர். மீண்டும் நம் நாட்டில் பிரிவினையும் மோதலும் ஏற்படுவதை அவர்கள் ஒருபோதும் விரும்புவர்கள் அல்ல.

இது காலம் வரை நாட்டை முன்னேற விடாமல், பின்னோக்கி இழுத்துக்கொண்டிருந்த இனவாதம், மதவாதம், ஊழல், மோசடி போன்ற தீங்குளில் இருந்து தேசத்தை விடுவித்து பல்லின மதப்பிரிவுகள் ஒற்றுமையுடன் வாழும் ஒரு உன்னத தேசமாக இலங்கைத் திருநாட்டை மாற்றுவது மைத்திரி-ரனில் நல்லாட்சி அரசினதும் அபிலாi~யாகும். மனித உரிமைகளுக்கு முக்கியத்துவம் அளித்த வண்ணம், பரஸ்பர கண்ணியத்துடன்; பல்லினங்கள் ஒற்றுமையுடன் வாழும் சனனாயக கோட்பாடுகளை மதிக்கும் ஒரு தேசமாக நம் நாட்டை உயர்த்தும் தற்போதைய அரசின் இந்த உன்னத இலக்கை அடைய பிரஜகள் அனைவரும் முழுமையாக பங்களிப்பு செய்தல் கட்டாயமாகும். இனவாதம், தீவிரவாதம், ஊழல், மோசடி என்பன அபிவிருத்தி மற்றும் நாகரீகத்தின் எதிர் சக்திகள் ஆகும். எனவே இத்தீய சக்திகளுக்கு எதிராக எழுந்து நிற்பது நாட்டு மக்களினதும், அரசாங்கத்தினதும் தலையாயக் கடமையாகும்.

கடந்த பல ஆண்டுகளாக இனவாதத்தின் கோரப்பிடியில் சிக்கி மௌனமாக துன்பங்களை அனுபவித்த வந்த இந்நாட்டு முஸ்லிம்கள் சட்டத்தின் ஆளுகையும் ஒழுங்கும் பாரிய விதத்தில் வீழ்ச்சி அடைவதை கண்டு திகைத்தனர். சில காலங்களுக்கு முன்பு அளுத்கமையில் நடைபெற்ற கோரமான சம்பவங்கள் உட்பட நாட்டில் பல இடங்களில் கட்டவிழ்த்து விடப்பட்ட முஸ்லிம் விரோத சதிகள் காரணமாக முஸ்லிம்கள் பெரிதும் கவலை கொண்டு விரக்தியுற்றிருந்தனர். நல்லாட்சி மலர்ந்த பின்பும் இந்நிலை மீண்டும் தலைதூக்குவதை அவதானித்து வந்த தேசிய ஷூரா சபை, 2016 ஜுலை 11 ம் திகதி ஏனைய சகோதர அமைப்புக்களை ஒன்று கூட்டி நடத்திய கலந்தாலோசிப்பின் போது கீழ் காணும் தீர்மாணங்களை நிறைவேற்றியது:

  1. முஸ்லிம்களது மனதைப் புண்படுத்தும் அவர்களுக்கெதிரான வி~மப் பிரசாரங்களும் சிறுபான்மை இனத்தவர்கள் மற்றும் மதங்களுக்கெதிரான இனவாத மற்றும் மதவாத செயற்பாடுகளும் மீண்டும் அதிகரித்து வரும் தற்போதைய சூழலில் நாட்டின் சகல குடிமக்களும் சாந்தி சமாதானத்துடன் வாழும் ஒரு சூழலை உருவாக்கும் மற்றும் அதனை ஊர்ஜிதப்படுத்தும் பொறுப்பு அரசாங்கத்துக்கு இருக்கிறது என்பதை தேசிய ஷூரா சபை வலியுறுத்த விரும்புகிறது.
  2. அரசியல் யாப்பில் வலியுறுத்தப்பட்டிருப்பது போல அரசாங்கமும் நீதி மற்றும் சட்டத்தை நிலைநாட்டும் பொறுப்பை ஏற்றுள்ள பொலிஸ் போன்ற அரச நிறுவனங்களும் நாட்டின் சகல பிரஜைகளினதும் அடிப்படை உரிமைகளைப் பேணிப் பாதுகாக்க வேண்டும். மேலும் சட்டத்தையும் ஒழுங்கையும் நிலைநாட்டும் விடயத்தில் எவ்வித தயக்கமோ பாரபட்சமோ இல்லாமல் நடந்து கொள்ளவதும் அவசியமாகும்.
  3. இது தொடர்பாக ஜனாதிபதி கௌரவ மைத்திரிபால சிரிசேன, கௌரவ பிரதமர் ரணில் விக்ரமசிங்க, முஸ்லிம் அரசியல்வாதிகள், பாதுகாப்பு செயலாளர் மேலும் அதிகரித்து வரும் இன மற்றும் மத விரோத சக்திகளின் முயற்சிகளை முறியடிக்க பாடுபட்டு வரும் தன்னார்வக் குழுக்கள் போன்றோரை சந்தித்து அதிகரித்துவரும் இனவாதம் மற்றும் மதரீதியான வன்முறைகள் தொடர்பாக கலந்துரையாடுவதற்கு தேசிய ஷூரா சபை தீர்மானித்துள்ளது.
  4. தற்காலத்தில் தலை தூக்கியிருக்கும் பண்பாடற்ற இனவாத செயற்பாடுகளின் பின்னணியில் மறைவான ஒரு நிகழ்ச்சி நிரல் இருக்கலாம் என தேசிய ஷூரரா சபை கருதுவதுடன், அவற்றின் மூலம் அரசாங்கத்தை ஆட்டங்காணச் செய்து, தேசத்தின் பொருளாதாரத்தை சீர்குலைத்து நாட்டை மீண்டும் அராஜக நிலைக்கு கொண்டு வரும் நோக்கம் அதற்குள் அடங்கியிருக்கலாம் எனவும் தேசிய ஷூரா சபை சந்தேகிக்கின்றது.
  5. இதே வேளை, ஊடக தர்மத்தைப் பேணிக் கொள்வதிலும் அதற்கான ஒழுக்க விழுமியங்களுக்கு மதிப்பளித்து நடந்து கொள்வதிலும் சகல வகையான ஊடகங்களுக்கும் அதிமுக்கிய பங்கு உண்டு எனவும் தேசிய ஷூரா சபை நம்புகின்றது.
  6. இதே வேளை, சிங்கள சமூகத்திலுள்ள ஒரு சிலரது மோசமான நடவடிக்கைகளைப் பொருத்தவரையில் பண்பாடான மரியாதைக்குரிய பெரும் எண்ணிக்கையிலான சிங்கள மக்களை அவை எந்த வகையிலும் பிரதிநிதித்துவப் படுத்தவில்லை என்பதை ஷூரா சபை நன்கு உணர்ந்துள்ளது. ஒரு சில பௌத்த மதகுருக்களது மோசமான நடவடிக்கைகள் முழு பௌத்த பிக்கு சமூகத்தையும் பிரதிநிதித்துவப் படுத்த மாட்டாது என்ற உண்மையயும் அது விளங்கி வைத்துள்ளது.
  7. எனவே தீய சக்திகளின் தூண்டுதல் மற்றும் தந்திரங்களுக்குள் சிக்க வேண்டாம் என்றும், பொறுமையை கடைபிடிக்கமாறும் விட்டுக் கொடுத்து நடக்குமாறும் முஸ்லிம்களை தேசிய சூரா சபை வலியுறுத்திக் கேட்டுக் கொள்கின்றது. இஸ்லாம் என்பது அமைதியையும் அன்பையையும் வலியுறுத்தும் சாந்தி மார்க்கம் ஆகும் என்பதையும் அது முஸ்லிம்களுக்கு நினைவூட்ட விரும்புகிறது.
  8. இந்த அசாதாரண சூழலை கையாழுவதற்கும் பிரச்சினைகளுக்கான தீர்வுகளை அரசு காண்பதற்கு உதவும் வகையிலும் இஸ்லாத்தையும் முஸ்லிம்களையும் பற்றிய தவறான செய்திகளையும் பிழையான கருத்துக்களையும் தெளிவு படுத்துவதற்குமான ஒரு பிரத்தியேகமான பிரிவை அமைப்பது பற்றி தேசிய ஷூரா சபை ஆராய்ந்து வருகின்றது. இது பரஸ்பர புரிந்துணர்வும் சமாதான சகவாழ்வும் எற்பட வழிவகுக்கும் எனவும் அது உறுதியாக நம்புகின்றது.

தேசிய ஷூறா சபையின் உழ்ஹிய்யா வழிகாட்டல் – 2016

இஸ்லாத்தில் உழ்ஹிய்யாவின் முக்கியத்துவம், நன்மைகள் மற்றும் அது தொடர்பான  மார்க்க சட்ட திட்டங்கள் என்பவற்றை  தற்போது உலமாக்கள் வழங்கி வருகின்றனர். அவை தொடர்பான மேலதிக விபரங்களை அவர்களை அணுகி அறிந்து கொள்ள முடியும். Continue reading

இன நல்லிணக்க குத்பா பிரசங்கங்கள்

  1. பன்மைத்துவத்தை ஏற்றல்: பல இனங்கள் வாழுகின்ற சூழலில் முரண்பாடுகள் ஏற்படுவது சகஜம். எனினும் பொறுமை, விட்டுக் கொடுத்தல், சமாதான சகவாழ்வு என்பவற்றை இஸ்லாம் தனது அடிப்படை கோட்பாடுகளாகக் கொண்டிருக்கின்றது.மேலும், பலாத்காரம்,கொள்கைத் திணிப்பு, மனது புண்படும் படியாக நடத்தல், பிற சமயத்தவர்களது நம்பிக்கை கோட்பாடுகளை பகிரங்கமாக விமர்சித்தல், கொச்சைபடுத்தல் போன்றவற்றை இஸ்லாம் வன்மையாக கண்டிக்கின்றது.இதற்கு பின்வரும் குர்ஆன் வசனங்களை ஆதாரங்களாகக் காட்டமுடியும்:

Continue reading

ரமழான் கால வழிகாட்டல்கள் – 2016

ரமழான் மாதத்தை முஸ்லிம்கள் எவ்வாறு கழிப்பது என்பது சம்பந்தமான சில ஆலோசனைகளை தேசிய ஷூறா சபை வழங்க விரும்புகிறது.

ஆன்மீகப் பகுதி

  1. அல்லாஹ்வுடனான நமது உறவை மென்மேலும் பலப்படுத்திக் கொள்வதற்கான அருமையான வாய்ப்பாகப் புனிதமான ரமழான் மாதத்தை நாம் அனைவரும் பயன்படுத்திக்கொள்வது அவசியமாகும். நோன்பு நோற்பதுடன் திலாவதுல் குர்ஆன்,திக்ர்கள், இஸ்திக்பார், இரவு வணக்கங்கள் என்பவற்றில் அதிக கவனம் எடுக்க வேண்டும். இவற்றால் மனதைரியமும் துன்பங்களின் போது பொறுமையும் ஏற்படும். எமக்கான அணிகலன்களாக மன்னிப்பது, பொறுமை, அல்லாஹ்வின் கூலியில் நம்பிக்கை, ஈகை, உளப்பரிசுத்தம் என்பன  இருக்கட்டும்.

Continue reading

ஜனாதிபதி தேர்தல் தொடர்பாக தேசிய ஷூறா சபையின் வழிகாட்டல்கள்

இன்ஷா அல்லாஹ், எதிர்வரும் ஜனவரி மாதம்08 ஆம் திகதி நடைபெறவுள்ள ஜனாதிபதித் தேர்தல் தொடர்பாக முஸ்லிம் சமூகத்துக்கான பின்வரும் வழிகாட்டல்களை தேசிய ஷூறா சபை வழங்க விரும்புகிறது:-

நடைபெறவுள்ள ஜனாதிபதித் தேர்தல் இலங்கை வாழ் மக்களது வரலாற்றில் மிக முக்கியமான ஒரு மைல்கல்லாக அமையவிருப்பதுடன் பிராந்திய, சர்வதேசிய அரசியலிலும் இலங்கையுடனான பிறநாடுகளது உறவிலும் பாரிய தாக்கங்களை விளைவிக்கவிருக்கிறது. எனவே, வாக்களிக்கத் தகுதி பெற்றுள்ள ஒவ்வொரு முஸ்லிமும் தேர்தல் நடைபெறவுள்ள தினத்தில் நேர காலத்தோடு வாக்களிக்கும் நிலையத்துக்குச் சென்று வாக்களிப்பது அவசியமாகும்.

வாக்களிப்பது ஓரு ஜனநாயகஉரிமை மட்டுமன்றி, இஸ்லாமிய நோக்கில் அது ஒரு அமானிதமும் கடமையும் சாட்சியமளித்தலுமாகும்.

பொதுவாக முஸ்லிம் பெண்கள், வயோதிபர்கள், நோயாளிகள்  வாக்களிக்கச் செல்வதில்கவனமெடுப்பது குறைவாகும். எனவே, அவர்கள் இது விடயமாகக் கூடிய கவனமெடுப்பதற்கு அவர்களைத் தூண்டவேண்டும்.

வாக்களிப்பு நிலையத்துக்குச் செல்ல முன்னர் ஆள் அடையாள அட்டையையும் வாக்குச் சீட்டையும் கொண்டுசெல்வதை ஊர்ஜிதப்படுத்திக் கொள்ள வேண்டும்.

வெளிநாட்டில் தொழில் புரிவோரது வாக்குகளை வேறு எவருக்காவது கைமாற்றுவதோ கள்ள வாக்குப் போடுவதோ நாட்டின் சட்டப்படி குற்றச் செயலாகும் என்பதுடன் இஸ்லாமிய நோக்கில் அது ஒரு நம்பிக்கைத் துரோகமாகும். எனவே, இவற்றிலிருந்து முற்றுமுழுதாகத் தவிர்ந்தகொள்ள வேண்டும்.

நாட்டிலிருந்து குற்றச் செயல்களை ஒழித்து நீதி, நேர்மை, இனங்களுக்கு இடையிலான சௌஜன்யம், சமாதானம், பொருளாதார சுபீட்சம் போன்றவற்றை உருவாக்குவதற்கு அதிகபட்சம் உழைப்பார் என்று கருதும் வேட்பாளருக்கு மட்டுமே நாம் வாக்களிக்க வேண்டும். பொருத்தமானவர் ஒருவர் இருக்க தனிப்பட்ட நலன்களை முன்னிறுத்தி பொருத்தமற்றவருக்கு வாக்களிப்பது மாபெரும் தவறும் பாவமுமாகும்.

பொருத்தமான வேட்பாளர் யார் எனத் தீர்மானிப்பதற்கு பின்வரும் ஒழுங்குகளைக் கையாளலாம்:-

அ. குறித்த ஒரு வேட்பாளர் பற்றியும் அவரைச் சார்ந்தவர்கள் பற்றியும் அவர்களது நடவடிக்கைகள் பற்றியும் நல்ல அறிவைப் பெற்றிருப்பது.

ஆ. ஒவ்வொரு வேட்பாளரும் தேர்தல் காலங்களில் வெளியிடும் கருத்துக்கள், அவர்களது தேர்தல் விஞ்ஞாபனம்  மற்றும் திட்டங்கள் பற்றி அறிந்து கொள்வது.

இ. நாட்டின் போக்கு பற்றிய தெளிவான அறிவைக் கொண்ட அனுபவசாலிகள், முஸ்லிம் சமூகத்திலுள்ள உண்மையான சமூக ஆர்வலர்கள்  போன்றோரது அபிப்பிராயங்களைப் பெற்றுக் கொள்ளவது. வேட்பாளர் குறிப்பாக முஸ்லிம் சமூகத்தினது நலனில் அக்கறை கொண்டவராகவும் இன, மத, வேறுபாடுகளைக் கடந்து தேசிய நலனில் பொதுவாக கவனம் செலுத்துபவராகவும் இருப்பாரா என்பதை நாம் அறிய வேண்டும்.

தேர்தல் காலங்களில் தேர்தலை மையப்படுத்தி பல்வேறு குற்றச் செயல்கள் நாட்டில் இடம்பெறுவது வழக்கமாக மாறியிருக்கிறது. ஒரு முஸ்லிமைப் பொருத்தவரை அத்தகைய எந்தவொரு வன்செயலிலும் சம்பந்தப்பட்டுவிடக் கூடாது.

எந்தவொரு வேட்பாளரைப் பற்றியும் பொய்யான, அபாண்டமான தகவல்களைப் பரப்புவதை விட்டும் முற்று முழுதாகத் தவிர்ந்து கொள்ள வேண்டும். மேலும், ஒருவர்தான் விரும்பாத வேட்பாளரின் ஆதரவாளர்களுடன் சச்சரவில் ஈடுபடுவது, தூசிப்பது, தாக்குவது என்பனவும் இஸ்லாம் விரும்பாத பாவங்களாகும்.

தேர்தலின் காரணமாக குடும்பங்களுக்கு உள்ளேயும், ஊர்களுக்குள்ளும் பிளவுகள் ஏற்படும் வகையில் எவரது நடவடிக்கைகளும் அமைந்து விடலாகாது.

தேர்தல் காலங்களில் அரசியலைப் பற்றியும் வேட்பாளர்களைப் பற்றியும் அவர்களது கட்சிகளது செயற்பாடுகளைப் பற்றியும் ஆங்காங்கே அளவு மீறிப் பேசிக் கொண்டு நேரத்தை கழிப்பது தவிர்க்கப்பட வேண்டும். நேரம் பொன்னானது. ஒரு முஸ்லிம் பல வகையான பொறுப்புக்களை நிறைவேற்றவே உலகில் படைக்கப்பட்டிருக்கிறான். அதில் அரசியல் ஒரு பகுதி மாத்திரம் தான்.

பேஸ்புக், டுவிட்டர், வட்ஸ்அப், டெலிகிராம் போன்ற சமூக வலைத்தளங்களில் செய்திகளைப் பரிமாறும் போது மிகுந்த ஜாக்கிரதையாக நடந்து கொள்ள வேண்டும். இந்த  வலைத்தளங்களில் அதிக நேரத்தை கழிப்பது நேர விரயம், பண விரயம் ஆகியவற்றுக்கு வழி வகுக்கும்.

தவவல்களைப் பறிமாற முன்னர் அவற்றை ஊர்ஜிதப் படுத்திக் கொள்வது அவசியமாகும். அத்துடன் கிடைக்கும் தகவல் ஊர்ஜிதப்படுத்தப்பட்டதாயினும் அதனைப் பிறருக்குப் பகிர்வது பொருத்தமாகயிருக்குமா என நன்கு சிந்திக்க வேண்டும்.“ஒருவர் தான் செவிமடுக்கும் தகவல்கள் அனைத்தையும் பிறருடன் கதைப்பதானது அவர் பொய்யர் என்பதற்குப் போதுமான சான்றாகும்”என நபி(ஸல்) அவர்கள் கூறினார்கள்.

அடுத்த ஜனாதிபதியாக வருவதற்கு யார் பொருத்தமானவர் என எம்மிடம் ஒரு தீர்மானம் இருக்கலாம். ஆனால், அல்லாஹ்வின் தீர்மானம் எப்படியிருக்கும் என எம்மில் யாருக்கும் தெரியாது. எனவே, அல்லாஹ்விடம் நாம் பிரார்த்திக்க வேண்டும். அது‘இஸ்திஹாரா’ எனப்படும். “யாஅல்லாஹ்! அடுத்து வரும் காலங்களில் இந்நாட்டுக்கு யார் பொருத்தமான ஆட்சியாளர்கள் என்று நீ கருதுகிறாயோ அவர்களுக்கு நீ வெற்றியைக் கொடுப்பாயாக.“ என்று நாம் பிரார்த்திப்பது அவசியமாகும்.

மேற்கூறப்பட்ட அறிவுறுத்தல்களை இலங்கை முஸ்லிம் சமூகம் கடைப்பிடித்து ஒழுகும் என தேசிய ஷூறா சபை எதிர்பார்க்கிறது. உலமாக்கள், கல்விமான்கள் மற்றும் சிவில் சமூகத் தலைவர்கள் மேற்கூறப்பட்ட வழிகாட்டல்களை சமூகத்தின் எல்லா மட்டங்களுக்கும் எடுத்துச் செல்ல தம்மாலான முயற்சிகளைச் செய்ய வேண்டும் என வினயமாக வேண்டிக் கொள்கிறது. எமது முயற்சியும் அல்லாஹ்வின் நாட்டமும் இணையும் போது நல்ல விளைவுகள் பிறக்கும்.

வல்ல அல்லாஹ் எமது தாயகமான இலங்கை நாட்டுக்கும் அங்கு வாழும் சகல சமூகங்களுக்கும் ஒளிமயமான எதிர்காலத்தை நல்க வேண்டும் என்றும் நல்ல தலைவர்களை உருவாக்குவதற்கு துணைபுரிய வேண்டும் என்றும் தேசிய ஷூறா சபை பிரார்த்திக்கிறது.